«Manchester Yunayted»ning yangi futbolchisi Rasmus Xyoylund bolaligidanoq «qizil iblislar»ga muxlislik qilganini tan oldi.
20 yoshli daniyalik Erik ten Xag jamoasiga 75 million yevro evaziga ko‘chib o‘tdi. Bonuslarni hisobga olgan holda tranzaksiya summasi 85 millionga yetishi mumkin.
«Hech kimga sir emaski, men bolaligimdan «Manchester Yunayted»ga muxlislik qilaman. «Manchester Yunayted» futbolchisi sifatida «Old Trafford»ga borishni orzu qilganman.
Men bu imkoniyatdan foydalanib, orzuimni ro‘yobga chiqarishni intiqlik bilan kutyapman», - deya Xyoylundning so‘zlarini keltirmoqda «Manchester Yunayted» rasmiy sayti.
Rasmus «Old Trafford»ga o‘tishdan oldin «Atalanta» safida A Seriyada bor-yo‘g‘i bir mavsum o‘ynadi va u yerda 9 ta gol urdi.
