Bir necha kun oldin Kilian Mbappe o‘zini Usmon Dembele bilan taqqosladi. Mbappe Dembelening barcha tomonidan iqtidorli futbolchi sifatida e’tirof etilganini, o‘zini esa «tanlangan» futbolchi deb hisoblashganini aytgan edi.

Shundan so‘ng Dembele ham bu fikrga javob qaytarib, faoliyati davomida ko‘p mehnat qilgani va hech qachon «tanlangan» futbolchi bo‘lmaganini ta’kidladi.

Garchi futbolchilar o‘rtasida ochiqcha mojaroli holat yuzaga kelmagan bo‘lsa-da, L’Equipe ma’lumotiga ko‘ra, Dembele Mbappening so‘zlaridan norozi bo‘lgan. Futbolchilar 15–16 yoshlaridan buyon do‘st bo‘lib keladi, ammo Kilianning aytganlari Usmonga yoqmagan.

Manba ta’kidlashicha, Dembele Mbappening so‘zlaridan birinchi marta norozi bo‘layotgani yo‘q. So‘nggi yillarda Kilianning ayrim bayonotlari bir necha bor Usmonning g‘ashiga tekkan.

Shu bilan birga, Mbappe va Dembelening ommaviy axborot maydonida bir-biriga javob qaytarishi davom etmasligi ta’kidlangan.