«Вест Хэм Юнайтед» «Аякс» билан мексикалик ярим ҳимоячи Эдсон Альварес бўйича музокаралар олиб бормоқда, бу ҳақда 90min хабар беради.
Альварес бу ёзда «Вест Хэм»нинг асосий мақсадларидан бири сифатида пайдо бўлди. «Болғачилар» «Саутгемптон»дан Жеймс Уорд-Проуз ва «Манчестер Юнайтед» аъзоси Скотт МакТоминай билан шартнома туза олмаганидан сўнг Альваресга бор эътиборини қаратган.
«Вест Хэм» Деклан Райснинг рекорд даражадаги сотилишига қарамай, трансфер бозорида ҳали муваффақиятга эришгани йўқ.
Жамоа Альварес учун 25,9 миллион фунт стерлинг таклиф қилди. «Аякс» эса 30 миллион фунт талаб қилмоқда. Бироқ музокаралар давом этмоқда ва юқори босқичга кирган.
