Франк Кессиэ тез орада Саудия Арабистонига кўчиб ўтади.
Аввалроқ, «Барселона» ва «Ал-Аҳли» ивуарлик ярим ҳимоячининг трансфери борасида келишиб олгани маълум бўлганди.
Mundo Deportivo хабарига кўра, томонлар эртагаёқ келишув ҳақида расман эълон қилишлари мумкин. Каталония клуби бундан 11-12 миллион евро ишлаб олади.
Футболчи янги клуби билан 3 йиллик шартнома имзолайди, унинг маоши мавсумига 14 миллион еврони ташкил қилади.
Франк ўтган ёзда «Милан»дан «Барса»га текинга ўтган эди.