Американинг Ares Management инвестиция компанияси "Интер Майами" клубининг имтиёзли акцияларининг бир қисмини 75 миллион долларга сотиб олди.
Клуб ўз баёнотида ушбу маблағни ривожланиш ташаббуслари, жумладан, келажакда стадион қурилиши учун сарфлаши айтилган.
Ҳозир компания сотиб олган имтиёзли капитал қандай тартибга солингани аниқ эмас. Сотиб олинган акциялар унга қатъий даромад ставкаси, даромад улуши ёки капиталга айирбошлашнинг келажакдаги имкониятларини олиши мумкин.
Ўтган йили Sportico "Интер Майами"ни 585 миллион долларга баҳолаган эди, аммо бу Месси, Бускетс ва Жорди Альбани сотиб олишдан олдин эди.
Шу билан бирга, яқинда "Интер Майами"нинг бошқарувчи хўжайини Хорхе Мас яқин 12 ой ичида клуб даромади икки баравар ошиб, қиймати 1,5 миллиард долларгача ошишини айтди.
