Ла Лига Европа комиссиясига Франциянинг «ПСЖ» клуби устидан шикоят қилди.

Ташкилот баёнотида айтилишича, парижликларнинг Қатардан оладиган маблағлари бозорни бузади ва Европа Иттифоқининг хорижий субсидиялар бўйича қоидаларига зиддир.

«Ла Лига шикоят берди, чунки «ПСЖ» Қатар давлатидан хорижий субсидиялар олган, бу уларга ўзларининг рақобатбардош мавқеини яхшилаш имконини берди.

Бу, шунингдек, бир қанча миллий ва Европа Иттифоқи бозорларида сезиларли бузилишларга олиб келди.

Хусусан, «ПСЖ» ресурсларни бозордан ташқари шартларда олади ва нормал бозор имкониятларидан анча юқори, қиммат ўйинчилар ва мураббийларни сотиб олади.

Шунингдек, у бозор қийматига тўғри келмайдиган ҳомийлик даромадига ҳам эга бўлади», — дейилади Ла Лига баёнотида.

Ташкилотнинг қайд этишича, юқорида айтилганларнинг барчаси «ПСЖ»га спорт натижаларини яхшилаш имконини беради, шунингдек, рақобатчи клубларнинг ўйинчилар билан шартнома имзолаш қобилиятига ҳам таъсир қилади.

Ла Лига ушбу янги қоидалар воситасида трансфер бозоридаги бузилишларни бартараф этиш учун зарур чораларни кўради», дейилади баёнотда.