«Манчестер Сити» ярим ҳимоячиси Кевин де Брюйне жароҳати сабаб бир неча ойга сафдан чиқди. Бу ҳақда «шаҳарликлар» бош мураббийи Хосеп Гвардиола айтиб ўтди.
«Кевиннинг жароҳати жиддий эди. У бир неча ой сафда бўлмайди. Яқин кунларда операция бўйича қарор қабул қилишимиз керак, аммо биз аниқ бир муддат Кевинни йўқотамиз», - дея Гвардиоланинг сўзларидан иқтибос келтирди журналист Фабрицио Романо.
Эслатиб ўтамиз, 32 ёшли бельгиялик Англия премьер-лигасининг янги мавсуми 1-тури доирасида «Бёрнли»га қарши ўйинда жароҳат олган ва унда «Манчестер Сити» йирик ҳисобда ғалаба қозонганди - 3:0.
