«Манчестер Юнайтед» марказий ҳимоячиси Харри Магуайр трансфер ойнаси ёпилгунча клубини алмаштирмайди.

30 ёшли футболчига «Вест Хэм» қизиқиш билдирганди, аммо трансфер амалга ошмади, чунки «болғачилар» марказий ҳимоячи билан шахсий шартнома шартлари бўйича келиша олмаган.

Фабрицио Романо шундай дейди: «Харри «Вест Хэм»ни ҳурмат қилади, аммо келишув йўқ ва ҳеч қачон бўлмаган. У «Манчестер Юнайтед»да қолади, чунки у клубни яхши кўради ва тез-тез майдонга тушишига ишонади».

Жорий мавсум бошланишидан олдин «Манчестер Юнайтед» Харри Магуайрни сардорлик боғичидан маҳрум қилди.