Каталониянинг "Барселона" клуби "Манчестер Сити"нинг ўнг қанот ҳимоячиси Жоау Канселуни ўзлари учун энг қулай шартларда ижарага олмоқчи. Mundo Deportivo хабарига кўра, "кўк-анорранглилар" португалияликни 30 миллион еврога сотиб олиш имконияти билан ижарага олишга тайёр. Бироқ, манбага кўра, "Манчестер Сити" анча каттароқ таклифни кутмоқда.

29 ёшли Канселу ҳозирда "Манчестер Сити" бош мураббийи Хосеп Гвардиоланинг режаларидан ташқарида. Жоао "Барселона"га ўтишга очиқ ва фақат унинг трансфери якунланишини кутмоқда.

Аввалроқ Канселу "Барселона" бош мураббийи Хави Эрнандес учун ўнг қанот ҳимояси учун устувор вариант эканлиги ҳақида хабар берилганди.