Франциянинг Le Parisien нашри дунёнинг энг кўп маош олувчи футболчилари рейтингини тузиб чиқди ва Саудия Арабистонида ўйнайдиган футболчиларнинг устунлиги ҳайратланарли.

Энг кўп маош олувчи 10 нафар футболчидан фақат иккитаси Саудия Арабистонида ўйнамайди - "ПСЖ" ҳужумчиси Килиан Мбаппе ва "Интер Майами" ҳужумчиси Лионель Месси.

Рейтинг пешқадами "Реал"нинг собиқ футболчилари - ҳозирда "Ан-Наср"да ўйнаётган Криштиану Роналду ва "Ал-Иттиҳод" вакили Карим Бензема. Улар Саудия Арабистонида ўйнаб, йилига 200 миллион евро олишади.

Дунёнинг энг кўп маош олувчи 10 нафар футболчиси:

Криштиану Роналду “Ан-Наср” – йилига 200 миллион евро;
Карим Бензема "Ал-Иттиҳод" - йилига 200 миллион евро;
Неймар "Ал Ҳилол" - йилига 100 миллион евро;
Н'Голо Канте "Ал-Иттиҳод" - йилига 100 миллион евро;
Килиан Мбаппе "ПСЖ" - йилига 70 миллион евро;
Лионель Месси "Интер Майами" - йилига 45 миллион евро;
Садио Мане "Ан-Наср" - йилига 40 миллион евро;
Жордан Хендерсон "Ал-Иттифоқ" – йилига 40 миллион евро;
Риёд Маҳрез "Ал-Аҳли" – йилига 35 миллион евро;
Калиду Кулибала "Ал-Хилол" - йилига 30 миллион евро.