Fransiyaning Le Parisien nashri dunyoning eng ko‘p maosh oluvchi futbolchilari reytingini tuzib chiqdi va Saudiya Arabistonida o‘ynaydigan futbolchilarning ustunligi hayratlanarli.
Eng ko‘p maosh oluvchi 10 nafar futbolchidan faqat ikkitasi Saudiya Arabistonida o‘ynamaydi - "PSJ" hujumchisi Kilian Mbappe va "Inter Mayami" hujumchisi Lionel Messi.
Reyting peshqadami "Real"ning sobiq futbolchilari - hozirda "An-Nasr"da o‘ynayotgan Krishtianu Ronaldu va "Al-Ittihod" vakili Karim Benzema. Ular Saudiya Arabistonida o‘ynab, yiliga 200 million yevro olishadi.
Dunyoning eng ko‘p maosh oluvchi 10 nafar futbolchisi:
Krishtianu Ronaldu “An-Nasr” – yiliga 200 million yevro;
Karim Benzema "Al-Ittihod" - yiliga 200 million yevro;
Neymar "Al Hilol" - yiliga 100 million yevro;
N'Golo Kante "Al-Ittihod" - yiliga 100 million yevro;
Kilian Mbappe "PSJ" - yiliga 70 million yevro;
Lionel Messi "Inter Mayami" - yiliga 45 million yevro;
Sadio Mane "An-Nasr" - yiliga 40 million yevro;
Jordan Xenderson "Al-Ittifoq" – yiliga 40 million yevro;
Riyod Mahrez "Al-Ahli" – yiliga 35 million yevro;
Kalidu Kulibala "Al-Xilol" - yiliga 30 million yevro.
