"Аякс" ва Гана терма жамоасининг ҳужумкор ярим ҳимоячиси Муҳаммад Кудус Европа лигаси саралаш плей-офф босқичининг биринчи ўйинидан сўнг яқин орада Амстердам клубини тарк этиши мумкинлигини айтди. .
“Ҳа, бу менинг “Аякс”даги сўнгги ўйиним бўлди деб ўйлайман. Аммо келинг, нима бўлишини кўриб чиқайлик.
Музокаралар давом этмоқда. Яқин кунларда келишувга эришиладими ёки йўқми, буни кўриш керак.
"Вест Хэм"? Яхши клуб", - дея Кудуснинг сўзларини келтиради Yahoo Sports.
2022/23 йилги мавсумда Кудус клуб миқёсида 42 та ўйинда майдонга тушиб, 18 та гол урди ва 7 та голли узатмани амалга оширди.
