"Бенфика" президенти Руй Кошта бразилиялик ҳужумчи Давид Нереснинг кетиши мумкинлиги ҳақида гапирди.

A Bola хабарига кўра, Кошта клубнинг ҳужумчи борасида аниқ позицияси борлигини айтди: у сотилмайди. Бироқ трансфер фақат 100 миллион евро товон пули эвазига амалга оширилиши мумкин.

Аввалроқ СЭ "Зенит" Нереснинг келишувини 30-35 миллион еврога баҳолаётгани ҳақида хабар берганди.

26 ёшли бразилиялик ўтган мавсумда барча турнирларда 48 та ўйинда майдонга тушиб, 12 та гол урди ва 16 та голли узатмани амалга оширди. Transfermarkt портали футболчини 25 миллион еврога баҳоламоқда.