“Ал-Иттиҳод” ҳужумчиси Карим Бензема Саудия Арабистони чемпионатининг 4-туридан ўрин олган “Ал-Ваҳда”га қарши ўйинда жароҳат олди. Макка шаҳридаги “Қирол Абдул Азиз” стадионида бўлиб ўтган ўйин меҳмонларнинг 3:0 ҳисобидаги ғалабаси билан якунланди.
Карим Бензема 42-дақиқада жароҳат олиб, алмаштирилди. Ҳужумчининг тиззасидан жароҳати борлиги тахмин қилинмоқда.
“Ал-Иттиҳод” Саудия Арабистони чемпионатининг тўртта очилиш учрашувида ғалаба қозонди. Кейинги турда “Ал-Иттиҳод” жамоаси “Ал-Ҳилол” билан куч синашади.
