Лондоннинг “Арсенал” клуби марказий ҳимоячисига айни дамда Испания чемпионатининг икки клуби қизиқиш билдирмоқда. Журналист Фабрицио Романонинг фикрича, холдинг “Мальорка” ва Европа лигасининг амалдаги ғолиби “Севилья”нинг эътиборини тортмоқда.
Холдинг "Арсенал"да ўйин амалиёти камлигидан қониқмаяпти. Футболчи бош мураббий Микель Артетанинг режаларига киритилмаганини тушуниб турибди, шу боис у ушбу трансфер ойнасида жамоани тарк этмоқчи.
Холдингни “Арсенал” бир неча йил аввал "Болтон"дан сотиб олган эди. 27 ёшли инглиз футболчиси "канонирлар" билан икки марта Англия кубогини қўлга киритган.
