Мюнхеннинг "Бавария" клуби раиси ва УЕФА ижроия қўмитаси аъзоси Карл-Хайнц Румменигге Англия терма жамоаси ҳужумчиси Гарри Кейн билан олиб борилган музокаралар ҳақида гапирди.
"Биз ҳаммамиз трансфер қўмитасида биринчи кунданоқ бу ҳаракатни амалга оширишни хоҳлаётганимизга келишиб олдик. Ўшанда ҳар кимнинг ўз вазифаси бор эди, менинг вазифам эса Харри билан доимо алоқада бўлиб туриш эди. Мен у билан кўп гаплашдим ва унинг қандай яхши йигит эканлигини дарҳол англадим. Биринчи алоқа у ҳали Багама оролларида таътилда бўлганида содир бўлган.
Мен унга "биз бу трансфер амалга ошиши учун ҳамма нарсани қиламиз, чунки сиз биз учун трансфер бозоридаги энг муҳим шахс эканлигингизга аминмиз"-дедим. Унга 1984 йилда "Интер»га ўтганим ҳақида ҳам гапириб бердим. "Бавария"да менда ҳамма нарса бор эди, мен деярли катта қирол эдим, лекин барибир бу янги тажрибани чет элда олишни хоҳлардим. Мен учун бу ҳам осон қарор бўлмади”, - деди Румменигге Bild билан суҳбатда.
