"Интер" 1966 йилдан бери биринчи марта Италия чемпионатининг дастлабки 3 та ўйинда ўз дарвозасидан гол ўтказиб юбормади.

Симоне Индзаги шогирдлари бугун А Сериянинг 3-турида “Фиорентина”ни мағлуб этишди (4:0). Аввалги турларда "Монца" (2:0) ва "Кальяри" (2:0) мағлуб этилганди.

8 та голдан 5 таси ҳужумчи Лаутаро Мартинес ҳисобига ёзилди.

"Интер" 9 очко билан чемпионатда пешқадамлик қилмоқда. Худди шундай голни фақат “Милан” қайд этган. "Милан дербиси" кейинги турда - 16 сентябрь куни бўлиб ўтади.