Джорджо Кьеллини "Интер Майами"ни МЛСда ўйнаган энг яхши жамоа деб атади.
Бугун италиялик ҳимоячи тўп сураётган МЛСнинг амалдаги чемпиони "Лос-Анжелес" "Интер Майами"га 1:3 ҳисобида имкониятни бой берди.
"Гап фақат "Барселона"нинг уч нафар йигитида эмас (Лео Месси, Серги Бускетс, Жорди Альбани назарда тутмоқда - муаллиф). Улар жуда яхши жамоа қуришди. Ростини айтсам, бу МЛСда мен қарши ўйнаган энг яхши жамоа.
"Интер Майами" плей-оффга чиқиш осон бўлмаган вазиятга тушиб қолди, аммо лекин улар плей-оффда бўлишади деб ўйлайман. Мен эса Шарқий конференцияда биринчи ўринда бўлишни истамасдим. Чунки биринчи даврада “Интер Майами” билан учрашишингиз керак, бу унчалик ёқимли эмас", - деди Джорджо Кьеллини.
