«Манчестер Юнайтед» ярим ҳимоячиси Донни ван де Бек яқинлашиб келаётган Чемпионлар лигасида жамоасига ёрдам бера олмайди.
Таниқли журналист Фабрицио Романо хабарига кўра, 26 ёшли голландиялик футболчи «қизил иблислар»нинг қайдномасидан четда қолган.
Бундан ташқари, манбанинг таъкидлашича, «Манчестер Юнайтед» ҳужумчиси Алехандро Гарначо ҳам жамоанинг асосий рўйхатидан жой олмаган, аммо «Б» рўйхатга киритилган.
Аввалроқ ван де Бек фаолиятини Туркиянинг «Галатасарой» клубида давом эттириши мумкинлиги ҳақида хабарлар тарқалган эди.
Жорий мавсумда футболчи майдонга тушмади. Ярим ҳимоячининг трансфер нархи 13 миллион еврога баҳоланмоқда.
