Ҳужумчи Расмус Хёйлунн ҳафта охирида “Арсенал”га қарши ўйинда “Манчестер Юнайтед” сафида дебют қилди.

Вазиятларнинг бирида даниялик футболчи “канонирлар” ҳимоячиси билан кураш олиб борди. Шундан сўнг Каземиро Хёйлуннга яқинлашди ва бир зумга унинг футболкасидан қўполлик билан ушлаб олди. Бразилиялик футболчи даниялик ҳужумчини қаттиқроқ ҳаракат қилишга ундаган. Хёйлунн ушбу эпизодга изоҳ берди.

"У шунчаки испан тилида нимадир деди. "Тезроқ" ёки шунга ўхшаш сўз айтди. У жамоага Марсьяль берган динамикага нисбатан бироз бошқача динамикани берганимдан хурсанд бўлди", - деди Хёйлунн Goal билан суҳбатда.

Эслатиб ўтамиз, "Манчестер Юнайтед" "Арсенал"га 1:3 ҳисобида мағлуб бўлган эди.