"Интер Майами" клубининг украиналик ҳимоячиси Сергей Кривцов клуб эгаси Давид Бекхэм ҳақида фикр билдирди.
"Бекхэм жуда хушмуомала ва замонавий функционер. У ҳар доим ўйинлар олдидан бизга кўрсатмалар беради. Ғалабалардан сўнг Давид кийиниш хонасига ташриф буюриб, бизни табриклайди. Менимча, катта жамоаларда шундай бўлиши керак. Ҳозир у функционердан кўра кўпроқ бизнесменга айланди. Мен уни энди собиқ футболчи сифатида қабул қилмайман. Бекхэм - жамоанинг ҳаммуаллифи, у ўз ролини жуда муваффақиятли бажармоқда ", - деди Сергей Кривцов.
Украиналик футболчи жорий йилнинг январь ойидан бери Майамининг "Интер" клубида ўйнаб келмоқда. Унинг шартномаси келаси йили тугайди.
