"Inter Mayami" klubining ukrainalik himoyachisi Sergey Krivsov klub egasi David Bekxem haqida fikr bildirdi.
"Bekxem juda xushmuomala va zamonaviy funksioner. U har doim o‘yinlar oldidan bizga ko‘rsatmalar beradi. G‘alabalardan so‘ng David kiyinish xonasiga tashrif buyurib, bizni tabriklaydi. Menimcha, katta jamoalarda shunday bo‘lishi kerak. Hozir u funksionerdan ko‘ra ko‘proq biznesmenga aylandi. Men uni endi sobiq futbolchi sifatida qabul qilmayman. Bekxem - jamoaning hammuallifi, u o‘z rolini juda muvaffaqiyatli bajarmoqda ", - dedi Sergey Krivsov.
Ukrainalik futbolchi joriy yilning yanvar oyidan beri Mayamining "Inter" klubida o‘ynab kelmoqda. Uning shartnomasi kelasi yili tugaydi.
