"Манчестер Юнайтед" ярим ҳимоячиси Донни ван де Бекка Туркиянинг икки клуби қизиқиш билдирмоқда.
ESPN нашри хабарига кўра, 26 ёшли футболчи фаолиятини "Фенербахче" ёки "Галатасарой"да давом эттириши мумкин. "Манчестер Юнайтед" бош мураббийи Эрик тен Хаг ярим ҳимоячига Мейсон Маунт ва Софьян Амрабат билан шартнома имзолаганидан кейин унга ишонмаслигини айтди.
Манбанинг хабарига кўра, инглиз клуби ван де Бек бўйича ҳар қандай таклифни кўриб чиқишга тайёр.
Туркияда трансфер ойнаси 15 сентябрь куни ёпилади.
Ван де Бек "Манчестер Юнайтед"да 2020 йилдан буён ўйнаб келмоқда. 2022/23 йилги мавсумда футболчи 10 та ўйин ўтказиб, самарали ҳаракатлари билан ажралиб турмади. Transfermarkt портали футболчининг нархини 13 миллион еврога баҳоламоқда.
