"Реал Мадрид" келаси ёзда "Бавария"нинг чап қанот ҳимоячиси Альфонсо Дэвис трансферини якунлаш учун бор кучини ишга солади. Инсайдер Хосе Феликс Диаснинг сўзларига кўра, канадалик "қироллик клуби"нинг асосий мақсади ҳимоянинг чап қанотини кучайтириш.

Манбага кўра, Дэвис "Реал Мадрид" раҳбариятида жамоа яқин келажакда қутулишни режалаштираётган Ферлан Менди ўрнига номзод ҳисобланади.

Дэвиснинг "Бавария" билан шартномаси кейинги мавсум охирида тугайди. Агар канадалик уни келаси ёзгача узайтирмаса, Мюнхен клуби футболчини кейинчалик эркин агент сифатида йўқотмаслик учун чегирма билан қўйиб юбориши мумкин.