"Манчестер Юнaйтед" ҳужумчиси Антони бир неча ҳафта футболдан узоқлашади. Хабарларга кўра, футболчига меҳнат таътили берилган. Бу ҳақида "МЮ" расмий сайтида маълум қилинди.
Бразилиялик футболчи яқиндагина собиқ қаллиғи томонидан зўравонликда айбланган эди. У Бразилия терма жамоасидан ажралгач, клуб билан машғулотларга душанба кунидан қайтиши керак эди.
Бироқ, "МЮ" Антонига таътил беришга қарор қилган. Футболчи ўзи билан боғлиқ чалкаш ҳолатга ойдинлик киритиб олиши керак. Антони ўз саҳифасида ўзига тиркалаётган айблар сафсата эканини иддао қилган эди.
