Собиқ ҳужумчи Тьерри Анри "Барселона"да Пеп Гвардиола қўл остида ўйнаган вақтларини эслади.
“Мураббий сифатида сиз футболчиларга футболни яхшироқ тушунишга қандай ёрдам бериш ҳақида ўйлайсиз. Бир пайтлар ўзимни бу ўйинда яхши деб ўйлагандим, лекин Гвардиола бошчилигидаги “Барселона”га келганимда, “Вой, у нима ҳақида гапиряпти?” деб ўйладим.
Венгер билан ишлаш кўнглимни, Гвардиола билан ишлаш эса кўзимни очди. Мен Пепдан прессинг ажойиб эканлигини билиб олдим. Ҳужумкор ўйинчи сифатида сиз кўпинча буни қилишни хоҳламайсиз, лекин Гвардиола билан мен прессинг қилишни хоҳлардум", деди Франция U21 жамоасининг ҳозирги менежери Telefoot нашрига.
