Англия терма жамоаси дарвозабони Жордан Пикфорд Кайл Уокернинг савиясини юқори баҳолади.
Яқинда Евро-2024 саралаш ўйинида "Манчестер Сити" футболчиси терма жамоадаги илк голини урди. Уокернинг аниқ зарбаси британияликлар учун ягона бўлиб қолди - Украинага қарши учрашув 1:1 ҳисобида якунланди.
“Менимча, Кайл дунёдаги энг яхши ўнг қанот ҳимоячиси. Унинг тезлиги унга Мудрик ва Мбаппе каби тезкор футболчиларни ёпиш имконини беради. Қолаверса, у ажойиб ҳимоячи ва жуда тажрибали. Мен учун у ҳақиқатан ҳам ўз позициясида энг яхшиси. У "Манчестер Сити" билан кўплаб совринларни қўлга киритди ва 33 ёшида фаолиятида ақл бовар қилмайдиган чўққиларни забт этди", - дея "Эвертон" дарвозабони сўзларидан иқтибос келтиради Indy Football.
