Германия Бундеслигасининг август ойидаги энг яхши футболчиси маълум бўлди.

Мутахассислар Леверкузеннинг "Байер" клубининг нигериялик ҳужумчиси Виктор Бонифасени ушбу мукофотга лойиқ деб топди. "Аптекачилар" форварди чемпионатнинг икки турида иккита гол урди ва битта голли узатмани амалга оширди. Эслатиб ўтамиз, “Байер” иккала учрашувда ҳам ғалаба қозониб, Бундеслига турнир жадвалида пешқадамлик қилмоқда.

Шунингдек, соврин учун Харри Кейн ("Бавария"), Бенжамин Хенрикс ("Лейпциг"), Кевин Беренс ("Унион"), Альфонсо Дэвис ("Бавария"), Йонас Уинд ("Вольфсбург") даъвогарлик қилишди.

Халқаро танаффусдан сўнг Бундеслига 15 сентябрь, жума куни бўлиб ўтадиган "Бавария" ва "Байер" учрашуви билан қайтади.