"Бавария" "Фулхэм" ярим ҳимоячиси Жоау Палиньяни трансфер қилиш фикридан қайтмоқчи эмас.
Инсайдер Фабрицио Романонинг сўзларига кўра, португалияликнинг инглиз клуби билан шартномаси узайтирилганига қарамай, мюнхенликлар уни қишда қўлга киритишга ҳаракат қилади.
2028 йилнинг ёзига қадар мўлжалланган янги шартномага кўра, Палинья маошини сезиларли даражада оширади.
Ёзги трансфер ойнасининг сўнгги кунида "Фулхэм" 28 ёшли футболчини "Бавария"га 60 миллион еврога сотмади.
Палинья жорий мавсумда 3 та ўйинда 1 та гол урди. Аввалги мавсумда у 41 ўйинда 4 та гол урган.
