Лондоннинг «Челси» клуби собиқ дарвозабони Асмир Бегович собиқ жамоасининг трансфер ишлари ҳақида гапирди.

«Агар Кайседо учун 115 миллион берсангиз, Райс учун 120 миллион сарфлашнинг иложи бор эди. Менимча, у «Арсенал»дан кўра «Челси»да ўйнашни кўпроқ хоҳлаган.

Мен футболдаги воқеаларни диққат билан кузатиб бораман, лекин «Челси» футболчиларининг ярмини танимайман.

Бу мен учун ғалати. Жамоа қандай тузилганини аниқ кўрмаяпман. Ўтиш даври ҳақидаги бу гапларнинг барчаси оддий баҳона», - дея Беговичнинг сўзларини келтиради Goal.com.

Англия премьер-лигасининг тўрт туридан сўнг «Челси» тўрт очко жамғариб, турнир жадвалида 12-ўринда бормоқда.