Londonning «Chelsi» klubi sobiq darvozaboni Asmir Begovich sobiq jamoasining transfer ishlari haqida gapirdi.
«Agar Kaysedo uchun 115 million bersangiz, Rays uchun 120 million sarflashning iloji bor edi. Menimcha, u «Arsenal»dan ko‘ra «Chelsi»da o‘ynashni ko‘proq xohlagan.
Men futboldagi voqealarni diqqat bilan kuzatib boraman, lekin «Chelsi» futbolchilarining yarmini tanimayman.
Bu men uchun g‘alati. Jamoa qanday tuzilganini aniq ko‘rmayapman. O‘tish davri haqidagi bu gaplarning barchasi oddiy bahona», - deya Begovichning so‘zlarini keltiradi Goal.com.
Angliya premyer-ligasining to‘rt turidan so‘ng «Chelsi» to‘rt ochko jamg‘arib, turnir jadvalida 12-o‘rinda bormoqda.
