"РБ Лейпциг" ярим ҳимоячиси Дани Ольмо фаолиятини "Барселона"да қандай бошлаганини эслади.
Испаниялик футболчи “Блауграна” академиясида таҳсил олган, бироқ 2014 йилда Загребнинг “Динамо” клубига ўтган. 2020 йил бошида ҳужумкор ярим ҳимоячини Хорватия клубига 29 миллион евро тўлаган “РБ Лейпциг” сотиб олди.
"Барселона"да ўзимни бахтли ҳис қилдим. У ерда ўйнаган олти мавсумнинг тўрттасида [ёшлар даражасида] энг яхши тўпурарга айландим. Мен ҳужумчи ва вингер сифатида ўйнадим. Кейинчалик "Динамо Загреб" менга жозибали спорт лойиҳасини таклиф қилди, аммо "Барселона"ни тарк этиш осон бўлмади", - дея 25 ёшли футболчининг сўзларидан иқтибос келтиради Managing Barca.













