"Ливерпуль" ярим ҳимоячиси Алексис Макаллистер жамоани Чемпионлар лигасига қайтариш нияти борлигини маълум қилди.
“Биз ўз олдимизга фақат энг юқори мақсадларни қўйганмиз. Биз ушбу мавсум охирида “Ливерпуль”ни Чемпионлар лигасига қайтаришга қарор қилдик. Мақсадимиз сари босқичма-босқич ҳаракат қиламиз. "Ливерпуль"дек катта клубда сиз доимо чемпионлик учун интиласиз", - деди аргентиналик ярим ҳимоячи.
“Ливерпуль” бу мавсумда Европа Лигасида иштирок этади. Юрген Клопп шогирдлари турнирни Австриянинг ЛАСК жамоасига қарши сафарда бошлайди. Ўйин 21 сентябрь куни бўлиб ўтади.
