36 ёшда Лионель Месси фаолиятини якунлаш ҳақида жиддий ўйламаяпти. Бироқ, қачонлардир аргентиналик юлдуз бутсасини михга осиб қўйиши керак бўлади. Бу ҳақда Месси OLGA каналига берган интервьюсида гапирди.
"Фаолиятимни тугатганимдан кейин нима қилишим ҳақида ҳали ўйлаганим йўқ. Мен бу ҳақда ўйлашни хоҳламайман, чунки мен ҳозир қилаётган ишимдан завқ олишни хоҳлайман. Европани тарк этиб, бу ерга келганимда муҳим қадам ташладим. Ҳозир мен кейинги қадам ҳақида ўйлашни хоҳламайман.
Фаолиятимни тугатгандан кейин нима қила оламан? Билмайман, лекин менга футболга тегишли ҳамма нарса ёқади. Мен болалар билан ишлашни яхши кўраман, мураббийликни яхши кўраман, спорт директори бўлишни яхши кўраман. Аммо мен қаерга боришимни билмайман”, - деди Месси.
