Каталониянинг “Барселона” клуби Испания чемпионатининг 6-тури доирасидаги ўйинда ақл бовар қилмайдиган камбэкни амалга оширди – 80-дақиқада ҳам “Сельта”га 0:2 ҳисобида имкониятни бой бераётган каталонияликлар ўйин якунига қадар 3 та гол уриб, ғалаба қозонишди.
Бундай воқеа Испания чемпионатида жуда узоқ вақтдан бери содир бўлмаган - тўғрироғи, 2001 йилнинг ноябрь ойидан бери. Ўшанда "Атлетик Бильбао" ҳам "Сельта"га қарши ўйинда ҳам 0:2 ни сўнгги 10 дақиқаликда 3:2 га ўзгартирганди.
Ла Лиганинг навбатдаги турида каталониялик "Барселона" "Мальорка" билан тўқнашади. Баҳс 26 сентябрь тунда бўлади.
