"Наполи"нинг ҳужумкор ярим ҳимоячиси Хвича Кварацхелия Италия чемпионатининг 6-турида "Удинезе"га қарши ўйиндаги голи ҳақида гапирди. Неаполликлар 4:1 ҳисобида ишончли ғалабани тантана қилишди.
"Менинг голим? Албатта, мен бу туйғуни соғиндим. Ўйлайманки, ҳар бир футболчи олти ой давомида гол ура олмаса, хавотирлана бошлайди. Бироқ, мен қайтдим ва жамоага ғалаба қозонишга ёрдам берганимдан хурсандман. Олға, "Наполи", - деди грузиялик футболчи DAZN билан суҳбатда.
22 ёшли ярим ҳимоячи жорий Италия чемпионатининг бешта учрашувида иштирок этди. Кварацхелия ҳисобида битта гол ва иккита голли узатма бор.
