«Милан» молиявий йилни охирги 17 йил ичида биринчи марта фойда билан якунлади.
27 сентябрь куни «россонерилар» директорлар кенгашининг 2022/23 футбол мавсумига тўғри келган молиявий йил якунлари бўйича йиғилиши бўлиб ўтди.
Учрашув натижасида 6 миллион евро фойда қайд этилди. Ўтган молиявий йилда «Милан» 66,5 миллион евро зарар кўрган.
«Милан» ўз балансини 2006 йилдан бери биринчи марта фойда билан ёпди, ўшанда бу кўрсаткич деярли 2,5 миллион еврони ташкил қилган.
Бундан ташқари, якунланган молиявий йилдаги клуб даромади 400 миллион евродан ошди (аввалги даврда 297 миллион). Бу «Милан»нинг рекордидир.
