ОФК ОЧЛ ўйинларида мухлисларга пиротехника воситаларидан фойдаланишга рухсат бермайди. Бу масалада ОЧЛ ўйинларини ўз майдонида ўтказадиган клубларимизнинг Хавфсизлик бўйича маъсуллари хушёр бўлишлари талаб этилади.
ОФК Мусобақаларини ўтказиш бўйича Қўлланманинг 2-бўлими 10.6 бандида, стадион ичида пиротехника ва ёнувчан предметлардан фойдаланиш таъқиқланиши ёзилган. Шу билан бирга, ОФКдан ёзма равишда рухсат олинган тақдирда, фойдаланишга рухсат берилиши тўғрисида ҳам қўшимча қилинган.
Ушбу банд бузилган тақдирда, қандай жазо белгиланиши эса кўрсатилмаган. ОФКнинг қандай тутуриқсиз қарорлар қабул қилишини инобатга олган ҳолда, катта миқдорда жарима ёки уй ўйинларини мухлисларсиз ўтказиш жазоси белгиланишини тахмин қилиш мумкин.
