OFK OCHL o‘yinlarida muxlislarga pirotexnika vositalaridan foydalanishga ruxsat bermaydi. Bu masalada OCHL o‘yinlarini o‘z maydonida o‘tkazadigan klublarimizning Xavfsizlik bo‘yicha ma’sullari xushyor bo‘lishlari talab etiladi.
OFK Musobaqalarini o‘tkazish bo‘yicha Qo‘llanmaning 2-bo‘limi 10.6 bandida, stadion ichida pirotexnika va yonuvchan predmetlardan foydalanish ta’qiqlanishi yozilgan. Shu bilan birga, OFKdan yozma ravishda ruxsat olingan taqdirda, foydalanishga ruxsat berilishi to‘g‘risida ham qo‘shimcha qilingan.
Ushbu band buzilgan taqdirda, qanday jazo belgilanishi esa ko‘rsatilmagan. OFKning qanday tuturiqsiz qarorlar qabul qilishini inobatga olgan holda, katta miqdorda jarima yoki uy o‘yinlarini muxlislarsiz o‘tkazish jazosi belgilanishini taxmin qilish mumkin.
