Кейинги пайтда "Насаф"нинг ярим ҳимоячиси Фозил Мусаевнинг бошқа жамоага ўтиб кетганлиги тўғрисида тез-тез хабарларни ҳам ўқиб турибмиз. Бу ҳақда унинг сайтимизга берган жавобларидан аниқ билиб оласиз деган умиддамиз.

Фозил Мусаевга тегишли саволларни Улуғбек (bek_Uzbekistan никли) ва Жавоҳир исмли мухлислар беришган. Қуйида ана шу саволларга жавобларни ўқийсиз.

1.“Насаф”ни тарк этишингиз аниқми, келгуси мавсумда қайси жамоада ўйнамоқчисиз?
Жавоб: Йўқ. Мен айни пайтда ҳам “Насаф” аъзосиман. Келгусига мавсумда қайси жамоада ўйнашим ҳали аниқ эмас. Балким кейинги йили  ҳам “Насаф” да тўп тепишим мумкин. Бу борада ҳали аниқ тўхтамга келганим йўқ.

2.Фозил сизни бошқа клубга ўтасиз деб эшитдим? “Насаф”да сизни нима қониқтирмайди?
Жавоб: Бу саволга юқорида қисман жавоб бердим. “Насаф”да мени ҳамма нарса қаноатлантирган. Акс ҳолда бошқа жамоада ўйнаб юрган бўлардим.

3.Сиз ОЧЛда  Қатардаги баҳсда 101% имкониятдан фойдалана олмаган эдингиз очиқ қолган дарвоза атрофингизда хеч ким йўқ эди ана шу вақтда нима сизга ҳалақит берган?
Жавоб: Нимадир ҳалақит қилганки гол уролмаганман. Буни ҳозир ўзим ҳам изоҳлаб беролмайман.

4.Ана шунақа вазиятларни кейинчалик машғулотларда яна машқ қилдингизми умуман футболда машҳур футболчилар ҳам 100% имкониятлардан фойдалана олмасликлари бу нимани белгиси ҳаяжон, босим, руҳий тушкунлик, вазиятга тайёр бўлмаслик, машғулотларни етарли бўлмаганлиги ёки омад?
Жавоб: Вазиятга қараб. Баъзан омад, баъзан ҳаяжон ҳам ўйинингиз чиқмаслигига сабаб бўлиши мумкин. Лекин ҳар қандай вазиятдаям мен ўзимга билдирилган ишончни оқлашга уринаман.

5.Сизнингча, қайси омиллар футболчига кўпроқ халақит беради?
Жавоб: Жароҳат футболчига энг кўп халақит берадиган ҳолат. Бошқаси унчалик хавотирли эмас.