Мадриднинг "Реал" клуби вингер Винисиус Жуниор билан янги шартнома имзоланиши ҳақидаги эълонни кейинга қолдирди, дея хабар беради журналист Фабрицио Романо.

Манбага кўра, келишув ўтган ҳафта эълон қилиниши керак эди, бироқ маълум ички сабабларга кўра қолдирилди.

Бу келишув хавф остида дегани эмас. Тез орада янги шартнома имзоланиши расман эълон қилинади.

Шартномада 1 миллиард евро миқдоридаги бадал пули бўлади. 23 ёшли бразилиялик бу мавсумда “Реал” сафида 7 та ўйин ўтказиб, 3 та гол ва 1 та голли узатмани амалга оширди.

Амалдаги шартнома мавсум охиригача амал қилади.