Madridning "Real" klubi vinger Vinisius Junior bilan yangi shartnoma imzolanishi haqidagi e’lonni keyinga qoldirdi, deya xabar beradi jurnalist Fabrisio Romano.

Manbaga ko‘ra, kelishuv o‘tgan hafta e’lon qilinishi kerak edi, biroq ma’lum ichki sabablarga ko‘ra qoldirildi.

Bu kelishuv xavf ostida degani emas. Tez orada yangi shartnoma imzolanishi rasman e’lon qilinadi.

Shartnomada 1 milliard yevro miqdoridagi badal puli bo‘ladi. 23 yoshli braziliyalik bu mavsumda “Real” safida 7 ta o‘yin o‘tkazib, 3 ta gol va 1 ta golli uzatmani amalga oshirdi.

Amaldagi shartnoma mavsum oxirigacha amal qiladi.