Антонио Конте Италиянинг "Наполи" клубини бошқариши мумкинлиги ҳақидаги маълумотлар ҳақида гапирди.
"Мен катта клуб билан ишлашга яқин эканлигим ҳақидаги доимий трансфер миш-мишларини эшитяпман, аммо такрор айтаманки, ҳозир менда фақат ўз жойида қолиш ва оиламдан завқланиш истаги бор", - деб пост қолдирди ижтимоий тармоқда.
Эслатиб ўтамиз, турнир жадвалида бешинчи ўринни эгаллаб турган "Наполи" Руди Гарсиянинг ишидан норози.
54 ёшли италияликнинг сўнгги клуби Лондоннинг "Тоттенхэм" клуби бўлиб, шу йилнинг март ойи охирида у билан ҳамкорликни тўхтатган эди.
