Пойтахтимиздаги "Ўзбекистон" спорт мажмуасида футзал бўйича Ўзбекистон чемпионати 1-босқичининг 3-тур ўйинлари бўлиб ўтмоқда. Кеча турнинг иккинчи кун ўйинлари бўлиб ўтди ва у голларга бой бўлди.
Мусобақа пешқадами "Локомотив" аутсайдер - "Строитель-Зарафшон" дарвозасига 9та гол урган бўлса, ўз дарвозасидан атиги 1та гол ўтказиб юборди. Ушбу ўйинда Артур Юнусов 2та гол муаллифига айланиб, тўпурарлар баҳсида иккинчи ўринда бораётган "Гулистон" ўйинчиси Жаббор Қулиевга яқинлашиб олди. Юнусов ҳисобида 17та, гулистонлик футзалчида эса 18та гол мавжуд. "Ардус" ҳужумчиси Дилшод Раҳматов эса 27та гол уришга улгурди.
Раҳматов эса сариқ карточкалар йиғилиб қолгани учун кечаги ўйинда иштирок этмади. "Ардус" эса ўзининг тўпурарисиз ҳам "Нафис" устидан ғалаба қозонди — 8:3.
Куннинг энг голларга бой ўйини эса "Максам-Чирчиқ" ва "Гулистон" жамоалари ўртасида кечди. Бир кун аввал "Локомотив"га аламли тарзда ютқазган чирчиқликлар рақиблари дарвозасига 11та тўп йўллашди. Гулистонликларнинг учала голи эса Дадахон Давлатов ҳисобига ёзилди.
Мусобақа жадвалида 5-ўрин учун кураш олиб бораётган жамоалар баҳсида эса "Пахтакор" "Турон-С"ни мағлуб этган бўлса (6:1), "Бунёдкор" "Когон" билан ўйинда ўз ҳисобида навбатдаги 3 очкони қўшиб қўйди.
Футзал бўйича Ўзбекистон чемпионати
1-босқич. 3-тур.
18 декабрь, сешанба
СТРОИТЕЛЬ-З – ЛОКОМОТИВ 1:9 (0:4)
Голлар: Умид Баратов (36) – Константин Свиридов (4, 20, 28), Тимур Садиров (16, 31), Фахриддин Самегов (20, 39), Артур Юнусов (26, 36)
НАФИС – АРДУС 3:8 (3:5)
Голлар: Хуршид Бобоқулов (1, 17), Фаррух Эргашев (5) – Жамолиддин Шарипов (4, 32, 37), Андрей Шлема (4, 23), Азамат Мирзаев (5), Шавкат Муҳиддинов (13), Дониёр Раззоқов (19)
МАКСАМ-ЧИРЧИҚ – ГУЛИСТОН 11:3 (7:1)
Голлар: Максим Гуляев (2), Шавкат Деҳқонов (4, 12, 18, 36), Хуршид Тожибоев (16, 33), Сарвар Жўраев (19, 28), Илҳом Юсупжонов (39) – Дадахон Давлетов (15, 36, 38)
ТУРОН-С – ПАХТАКОР 1:6 (0:2)
Голлар: Одилжон Каримов (28) – Александр Картаузов (15, 21, 38), Евгений Холмухамедов (18), Нодир Исроилов (22), Алан Аминов (32)
БУНЁДКОР – КОГОН 4:1 (2:0)
Голлар: Абдулла Бўриев (12, 35), Жасур Содиқов (8), Аъзам Саидаҳматов (30) – Фарҳод Ашуров (25)
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Ардус | 11 | 10 | 0 | 1 | 76-20 | 30 |
| 2 | Локомотив | 11 | 10 | 0 | 1 | 75-19 | 30 |
| 3 | Бунёдкор | 11 | 8 | 1 | 2 | 49-27 | 25 |
| 4 | Максам-Чирчиқ | 11 | 8 | 0 | 3 | 50-26 | 24 |
| 5 | Пахтакор | 11 | 6 | 0 | 5 | 38-40 | 18 |
| 6 | Турон-С | 11 | 4 | 2 | 5 | 53-60 | 14 |
| 7 | Когон | 11 | 2 | 2 | 7 | 31-52 | 8 |
| 8 | Гулистон | 11 | 2 | 1 | 8 | 46-76 | 7 |
| 9 | Нафис | 11 | 1 | 1 | 9 | 24-70 | 4 |
| 10 | Строитель-Зарафшон | 11 | 0 | 1 | 10 | 24-76 | 1 |
19 декабрь, 3-кун ўйинлари тақвими
10:00 Нафис – Бунёдкор
12:00 Гулистон – Строитель-З
14:00 Ардус – Пахтакор
16:00 Когон – Максам-Чирчиқ
18:00 Локомотив – Турон-С
