Пайшанбадан жумага ўтар кечаси Аргентина ва Парагвай терма жамоалари ЖЧ-2026 саралаши учун тўқнаш келишади.
«Нью-Йорк Ред Буллз» шарафини ҳимоя қилаётган Парагвай терма жамоаси дарвозабони Карлос Коронел Лионел Месси майдонга тушмаслигига умид қилмоқда.
«Аргентинага қарши ўйнаш ҳеч қачон осон бўлмайди. Мен Мессига қарши ўйнаганман, шунинг учун у эртага ўйнамайди деган умиддаман.
У ўзини қандай ҳис қилаётганини билмайман, лекин уларда ўзгаришларни амалга ошира оладиган бошқа яхши ўйинчилар бор.
Ҳамма нарса бўлиши мумкин. Ижобий натижага эришиш учун барча имкониятларни ишга соламиз», - дея Коронелнинг сўзларини келтирмоқда Goal.
