Грузия терма жамоасининг ҳужумкор ярим ҳимоячиси Хвича Кварацхелия Европа чемпионати-2024 саралаш босқичи доирасида Кипр устидан қозонилган йирик ғалаба (4:0) ҳақида гапирди. Ушбу учрашувда вингер битта гол урди.

"Ватаним учун ўйнаш ёқимли. Айниқса, гол уриш ва уни мухлислар билан нишонлаш қувончли. Имкон қадар тез-тез мухлисларимизни хурсанд қилишга ҳаракат қиламан. Мен уларга қўллаб-қувватлаганликлари учун миннатдорчилик билдираман. Биз уларнинг ишончини оқлаш учун бор куч-ғайратимизни ишга соламиз", - деди Кварацхелия Грузия футбол федерацияси матбуот хизматига.

Олтита ўйиндан сўнг Грузия етти очко тўплади ва "А" гуруҳида тўртинчи ўринни эгаллаб турибди.