Норвегия терма жамоаси етакчиларидан бири Мартин Эдегор Испанияга қарши 2024-йилги Европа чемпионати саралаш босқичи доирасидаги уй учрашувидан сўнг журналистлар билан суҳбатлашди. Скандинавияликлар 0:1 ҳисобида мағлуб бўлди ва Евро-2024га йўлланма олиш имкониятидан маҳрум бўлди.
"Албатта, биз хафамиз. Бу қабул қилиш қийин. Биз ҳеч қачон тўпга эгалик қила олмадик ва жавоб қайтаришга мажбур бўлдик. Биз рақибнинг ўйин ритмини бузолмадик", - деди Эдегор TV2 билан суҳбатда.
Эслатиб ўтамиз, ушбу гуруҳдан Испания ва Шотландия терма жамоалари келаси йили Германияда бўлиб ўтадиган Европа чемпионатига йўлланма олди.
