"Манчестер Юнайтед" мухлисларнинг мумкин бўлган норозиликлари туфайли ўзининг уй стадиони "Олд Траффорд"да хавфсизлик чораларини кучайтирмоқчи, деб хабар бермоқда Daily Mail. Мухлислар клуб хўжайинлари акцияларининг бир қисмини сотгандан кейин ҳам клубни бошқаришда давом этишидан норози.
Манбага кўра, 24 октабр куни мухлислар Чемпионлар лигаси доирасида “Копенгаген” билан ўйин вақтида ва 29 октабр куни Англия чемпионати доирасида “Манчестер Сити” билан бўладиган учрашув вақтида мухлислар норозилик чиқишларини режалаштиришган.
Полиция мавжуд вазиятдан хабардор қилинган ва “Манчестер Юнайтед”га керакли ёрдамни кўрсатишга тайёр.
