"Manchester Yunayted" muxlislarning mumkin bo‘lgan noroziliklari tufayli o‘zining uy stadioni "Old Trafford"da xavfsizlik choralarini kuchaytirmoqchi, deb xabar bermoqda Daily Mail. Muxlislar klub xo‘jayinlari aksiyalarining bir qismini sotgandan keyin ham klubni boshqarishda davom etishidan norozi.
Manbaga ko‘ra, 24 oktabr kuni muxlislar Chempionlar ligasi doirasida “Kopengagen” bilan o‘yin vaqtida va 29 oktabr kuni Angliya chempionati doirasida “Manchester Siti” bilan bo‘ladigan uchrashuv vaqtida muxlislar norozilik chiqishlarini rejalashtirishgan.
Polisiya mavjud vaziyatdan xabardor qilingan va “Manchester Yunayted”ga kerakli yordamni ko‘rsatishga tayyor.
