Ҳимоячи Федерико Гатти ва Туриннинг «Ювентус» клуби раҳбарияти ўртасида янги шартнома бўйича музокаралар якунланмоқда.
Инсайдер Николо Скиранинг ижтимоий тармоқларда хабар беришича, янги шартнома бўйича футболчининг маоши 1,4 миллион еврони ташкил қилади.
Келишувнинг расмий шартлари яқин кунларда амалга ошиши керак. Шартнома 2028 йилнинг ўрталарига қадар амал қилади.
Федерико «кекса синёра» сафига 2022 йилнинг қишида келиб қўшилганди. Кейин у беш йиллик шартнома имзолади.
Италия А Сериясининг жорий мавсумида Гатти олтита ўйин ўтказиб, битта гол урди ва иккита огоҳлантириш олди.
